ભારત અને ન્યુઝીલેન્ડ વચ્ચે વર્લ્ડ કપ 2023ની 21મી મેચ ધર્મશાલામાં રમાઈ રહી છે. ભારતીય ટીમના કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય લીધો છે.
ICC વર્લ્ડ કપ 2023ની બે સૌથી સફળ ટીમો છે. આ મેચ આ વર્લ્ડ કપની 21મી મેચ છે, ભારત અને ન્યુઝીલેન્ડે પોતાની 4-4 મેચોમાં એક પણ મેચ હારી નથી. આવી સ્થિતિમાં આજે વિજયના રથ પર કોણ રહે છે અને કોણ નીચે પડે છે તેના પર સમગ્ર વિશ્વની નજર રહેશે. આજે જે પણ ટીમ આ મેચ જીતશે તે વર્લ્ડ કપ પોઈન્ટ ટેબલમાં નંબર વન પર પહોંચી જશે.
ભારત અને ન્યુઝીલેન્ડ વચ્ચેની મેચનું Live અપડેટ…
– 21 ઓવર બાદ ન્યુઝીલેન્ડનો સ્કોર 100/2
21 ઓવર રમાઈ ગઈ છે અને રચિન રવિન્દ અને ડેરીલ મિશેલની જોડી હવે ભારત માટે ખતરનાક દેખાઈ રહી છે. રચિન 40 સુધી પહોંચી ગયો છે જ્યારે ડેરીલ મિશેલે 38 રન બનાવ્યા છે. ન્યૂઝીલેન્ડે સ્કોર બોર્ડ પર 100 રન બનાવ્યા છે.
– રચિન-ડેરીલ મિશેલ વચ્ચે અડધી સદીની ભાગીદારી પૂરી થઈ
17 ઓવર રમાઈ છે અને ન્યૂઝીલેન્ડે 2 વિકેટ ગુમાવીને સ્કોર બોર્ડ પર 72 રન બનાવી લીધા છે. ડેરીલ મિશેલ 22 રન અને રચિન રવિન્દ્ર 29 રન બનાવીને રમી રહ્યા છે. બંને વચ્ચે અડધી સદીની ભાગીદારી પૂર્ણ થઈ છે.
– મોહમ્મદ શમીએ વિલ યંગ તેના સ્પેલના પહેલા જ બોલ પર બોલ્ડ કર્યો હતો. શમીએ ઓફ સ્ટમ્પ પર શોર્ટ લેન્થ બોલ ફેંક્યો, જે યંગના બેટના અંદરના ભાગને લઈને સ્ટમ્પ પર લાગ્યો હતો. વિલ યંગે 27 બોલમાં ત્રણ ચોગ્ગાની મદદથી 17 રન બનાવ્યા હતા. મોહમ્મદ શમીએ વર્લ્ડકપમાં સૌથી વધુ વિકેટ લેનારા ભારતીય બોલરોમાં અનિલ કુંબલેનો રેકોર્ડ તોડ્યો હતો. શમીએ વર્લ્ડ કપમાં તેની 32મી વિકેટ લીધી હતી. આ ઓવરમાં 7 રન બનાવ્યા અને એક વિકેટ પડી.
ન્યુઝીલેન્ડનો સ્કોર 9 ઓવર પછી 26/2. રચિન રવિન્દ્ર 6* અને ડેરીલ મિશેલ 3* સાથે રમી રહ્યા છે.
– મોહમ્મદ સિરાજે ઈનિંગની ચોથી ઓવરમાં ભારતીય ટીમને મોટી સફળતા અપાવી હતી. તેણે ત્રીજા બોલ પર ફોરવર્ડ સ્ક્વેર લેગ પર શ્રેયસ અય્યર દ્વારા કોનવેને કેચ આઉટ કરાવ્યો. સિરાજે ફુલ લેન્થ બોલ ફેંક્યો, જેને કોનવેએ ફ્લિક કર્યો, પરંતુ બોલ હવામાં ગયો અને અય્યરે જમણી તરફ ડાઇવ કરીને કેચ લીધો. ડેવોન કોનવેએ 9 બોલનો સામનો કર્યો, પરંતુ તે સ્કોર કરી શક્યો નહીં. આ વિકેટ મેડન ઓવર હતી.
4 ઓવર પછી ન્યુઝીલેન્ડનો સ્કોર 9/1. વિલ યંગ 9* સાથે રમી રહ્યો છે અને રચિન રવિન્દ્ર 0* સ્કોર કરી રહ્યો છે.
– ક્રિઝ પર કોનવે-યંગ: ત્રણ ઓવર પછી ન્યુઝીલેન્ડે એકપણ વિકેટ ગુમાવ્યા વિના નવ રન બનાવી લીધા છે. બુમરાહે પ્રથમ ઓવરમાં કોઈ રન આપ્યા ન હતા. આ પછી સિરાજની બીજી ઓવરમાં પાંચ રન અને બુમરાહની ત્રીજી ઓવરમાં ચાર રન આવ્યા.
– બુમરાહે પ્રથમ ઓવરમાં કોઈ રન આપ્યા ન હતા. કોનવે સ્ટ્રાઈક પર હતો અને બુમરાહે તેને દૂર બોલ ફેંક્યો હતો. ફાસ્ટ બોલરોને પિચમાંથી સ્વિંગ અને સીમ મળી રહી હોય તેવું લાગી રહ્યું છે.
બંને ટીમની પ્લેઈંગ ઈલેવન
ન્યુઝીલેન્ડની ટીમઃ ટોમ લાથમ (કેપ્ટન અને વિકેટકીપર), ડેવોન કોન્વે, વિલ યંગ,ડેરિલ મિશેલ, રચિન રવિન્દ્ર, ગ્લેન ફિલિપ્સ, માર્ક ચાપમન, મિચેલ સેન્ટનર, મેટ હેનરી, ટ્રેન્ટ બોલ્ટ અને લોકી ફર્ગ્યુસન.
ભારતીય ટીમઃ રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, સૂર્યકુમાર યાદવ, રવિન્દ્ર જાડેજા, શાર્દુલ ઠાકુર, કુલદીપ યાદવ, જસપ્રિત બુમરાહ, મોહમ્મદ સિરાજ.