જો તમે પણ નાસ્તામાં કાંઈક અલગ બનાવવા માંગો છો, તો સાબુદાણા ફિંગર્સ જરૂર ટ્રાઈ કરો, સાબુદાણા ફિંગર્સ બનાવવા એકદમ સરળ છે. એક વખત ટ્રાઈ કર્યા પછી અઠવાડિયામાં બે થી ત્રણ દિવસ આ સ્નેકને જરૂર ટ્રાઈ કરશો.
સામગ્રી
સાબુદાણા પાવડર – 1 કપ
મગફળી કાપેલી – 2 ચમચી
રાજગરાનો લોટ – ½ કપ
મરચા પાવડર – ½ ચમચી
ધાણા પાવડર – ½ ચમચી
સિંધવ મીઠું – સ્વાદમુજબ
બટેટા – 2 બાફેલા
રીત
સૌથી પહેલા એક વાસણમાં બટેટા સાથે રાજગરાનો લોટ અને સાબુદાણા પાવડર નાખીને સારી રીતે મિક્ષ કરી લો અને થોડી વાર માટે અલગ મૂકી દો. ત્યાર પછી આ મિશ્રણમાં ધાણા પાવડર, મરચા પાવડર અને મીઠું પણ નાખો. લગભગ બધી વસ્તુ નાખ્યા પછી જરૂર મુજબ પાણી નાખો અને સારી રીતે મિક્સ કરી લો. મિક્સ કર્યા પછી મિશ્રણમાંથી થોડો ભાગ લો અને તેને ફિંગર્સનો આકાર આપો. મિશ્રણને ફિંગર્સના આકારમાં બનાવ્યા પછી તેને લગભગ 20 મિનીટ માટે ફ્રીઝમાં રાખી દો. થોડીવાર પછી તમે એક કડાઈમાં તેલ ગરમ થવા માટે મૂકી દો. હવે ફિંગર્સને ફ્રીઝ માંથી કાઢીને તેલમાં ડીપ ફ્રાઈ કરી લો અને પસંદગીની ચટણી સાથે ખાવા માટે સર્વ કરો.
